1Ерөнхий зүйл

1. topmall.mn нь «Монжаргалант Топ Электроникс» ХХК-ийн албан ёсны вэб сайт бөгөөд энэ нөхцөл нь сайтаар үйлчлүүлэх, худалдан авалт хийхтэй холбоотой харилцааг зохицуулна.
2. Хэрэглэгч нөхцөлийг хүлээн зөвшөөрч баталгаажуулснаар сайтаар худалдаа хийх, үйлчилгээ авах эрхтэй болно.
3. Захиалга үүсгэснээс хойш замын ачаалал, барааны овор хэмжээнээс шалтгаалан бараа 24-72 цагийн дотор захиалагчийн заасан хаягт хүргэгдэнэ.
4. Нөхцөлийн хэрэгжилтэд «Монжаргалант Топ Электроникс» ХХК (цаашид байгууллага) болон хэрэглэгч (цаашид захиалагч) хамтран хяналт тавина.
5. Сайт нь насанд хүрэгчдэд үйлчилнэ. Насанд хүрээгүй хүүхэд эцэг эхийн хамт нөхцөлийн дагуу худалдаа, үйлчилгээ авч болно.

2Хэрэглэгчийн хариуцлага

1. Цахим худалдааны тэмдэг нь «Монжаргалант Топ Электроникс» ХХК-ийн, барааны тэмдэг нь холбогдох брэндүүдийн өмч юм. Сайтын лого, нэр, загварыг хуулах, олшруулах, дуурайх, бусад зүйлд ашиглахыг хориглоно.
2. Сайтын ажиллагаа, аюулгүй байдал, хэрэглэгчийн мэдээллийн нууцлалыг байгууллага бүрэн хариуцна.
3. Хэрэглэгч нэвтрэх цахим шуудан, нууц үгээ бусдад дамжуулахгүй байх үүрэгтэй. Энэ үүргээ биелүүлээгүйгээс учирсан хохирлыг байгууллага хариуцахгүй.
4. Санал гомдол, шинэ санаа, шинэ бараа борлуулах хүсэлт, шүүмжээ marketing.topelctronics@gmail.com хаяг болон 700-700-11 утсаар илэрхийлнэ үү.
5. Өөрийн мэдээллийн үнэн зөв, бодит байдлыг хэрэглэгч бүрэн хариуцна.
6. Худалдан авсан барааг албан болон гэрийн хаягаар хүргүүлж болно.
7. Худалдан авалт хийснээр хэрэглэгч үйлчилгээний нөхцөлтэй танилцаж, зөвшөөрсөнд тооцогдоно.

3Захиалга хийх, баталгаажуулах, цуцлах

Захиалга авах

1. Хэрэглэгч 24 цагийн аль ч үед хэдэн ч удаа захиалга хийж болно.
2. Худалдан авалт зөвхөн цахимаар хийгдэнэ. Зөвлөгөө, туслалцааг 700-700-11 утас, TOP mall Facebook чат, Marketing.topelctronics@gmail.com хаягаар авна.

Баталгаажих ба цуцлагдах

1. Захиалгаас хойш 24 цагийн дотор төлбөрийг зааврын дагуу бүрэн шилжүүлснээр захиалга баталгаажиж, хүргэлтийн алба руу дамжина.
2. 24 цагийн дотор төлбөр орж ирээгүй бол захиалга автоматаар цуцлагдана. Цуцлагдсан захиалгыг сэргээх боломжгүй, шинээр захиалж болно.
3. Төлбөр хугацаандаа хийгдээгүйн улмаас захиалга цуцлагдсан тохиолдолд байгууллага хариуцлага хүлээхгүй.
4. Лавлах цаг: Ажлын өдөр 09:00–18:00, амралтын өдөр 10:00–18:00 (700-700-11).

Хүргэгдэх хугацаа

1. Төлбөр албан ёсны дансанд зааврын дагуу орсон үед захиалга баталгаажсанд тооцно.
2. Захиалга хийх, төлбөр гүйцэтгэх, бараа хүлээн авах бүрд бүртгүүлсэн и-мэйл, утсанд мэдэгдэл очих ба НӨАТ-ын баримт и-мэйлээр илгээгдэнэ.
3. Төлбөр хийгдсэнээс хойш бэлэн барааг Улаанбаатар хот дотор 24–72 цагт хүргэнэ (барааны овор, ачаалалаас хамаарна).
4. Давагдашгүй хүчин зүйл, бүх нийтийн амралтын өдөр, хэрэглэгчээс шалтгаалсан саатлаас хүргэлт тодорхойгүй хугацаагаар саатаж болзошгүйг анхаарна уу.

4Төлбөр төлөх, захиалга цуцлах

1. Захиалга баталгаажсаны дараа захиалгын нийт дүн, төлбөрийн хэлбэр, хүлээн авагчийн нэр, дансны дугаар зэрэг мэдээллийг цахимаар хүргэнэ.
2. Захиалга бүр давтагдашгүй дугаартай бөгөөд «Миний бүртгэл» хэсгээс дэлгэрэнгүйг харж болно.
3. Захиалгаас хойш 24 цагийн дотор системд заасан зааврын дагуу төлбөрөө шилжүүлнэ.
4. Захиалгын нийт дүнг 100 хувь урьдчилан хүлээн авсанаар захиалга автоматаар баталгаажна.
5. Захиалсан барааны загвар зөрсөн эсвэл гэмтэлтэй бол бараа солих эсвэл төлбөр буцаан авах сонголтыг олгоно.
6. Захиалахаасаа өмнө барааны танилцуулга, мэдээллийг сайтар судалж, нөөцийг лавлана уу. Мэдээллийг дутуу судалсны улмаас хүргэгдсэн барааг буцаах хүсэлтийг хүлээн авахгүй. Албан ёсны брэнд, нэр, кодоор бусад эх сурвалжаас мэдээлэл, хэрэглэгчийн санал шүүмжийг судалж болно.
7. Энэ нөхцөл үүсэх боломжтой тул захиалга баталгаажуулах 24 цагийн хугацааг олгодог.

5Хүргэлт

Хот доторх хүргэлтийн хязгаар

1. Дээрх хязгаараас цааш хүргүүлбэл 1 км тутамд 2,500₮ нэмж бодно.
2. Хязгаараас гадна болон орон нутагт тээвэр, шуудангийн байгууллагаар хүргэх ба үйлчилгээний хөлсийг захиалагч хариуцна.
3. Хаяг, холбоо барих утсаа маш тодорхой, үнэн зөв бөглөнө. Буруу мэдээллээс гарсан зардал, алдагдлыг хэрэглэгч хариуцна. Хүргэлтийн үеэр утсаа нээлттэй байлгаж, хаяг дээрээ байна.
4. Хүргэлтээс өмнөх өдөр бүртгүүлсэн утсанд мэдэгдэх ба жолооч очихоос 2 цагийн өмнө дахин мэдэгдэнэ.
5. Утас холбогдохгүй, хаяг дээрээ байхгүй зэргээс давтан хүргэх шаардлага гарвал нэмэлт 50,000₮ бодогдоно.
6. Худалдан авалтын мэдээлэл бүртгүүлсэн и-мэйл, утсанд илгээгдэх ба захиалгын түүхээс харж болно.
7. Бараа хүлээн авахдаа бүрэн бүтэн байдал, зөв ирсэн эсэхийг сайтар шалгана. Бүрэн бүтэн хүлээн авсан баримтад гарын үсэг зурсны дараах гэмтлийг хэрэглэгч хариуцна.
8. Барааны хэмжээ орц, шат, хаалганд багтахгүй бол хүргэлтэнд саад болдог тул захиалахаасаа өмнө хэмжээг нягтална уу.

6Бусад

1. Үйлчилгээний нөхцөл өөрчлөгдөх боломжтой. Өөрчлөлт, шинэчлэлтийг хэрэглэгчийн бүртгүүлсэн цахим хаягаар тухай бүрд мэдэгдэнэ.
2. Захиалга хийх үед хүчинтэй байсан нөхцөл нь захиалгын хугацаанд өөрчлөгдсөн ч бараа хүлээн авах хүртэл хүчинтэйд тооцогдоно.